حەلبوسی لەگەڵ عەبدولمەهدی تاوتوێی بارودۆخی سیاسی و ئەمنی و ئابوری دەكەن
محەمەد حەلبوسی سەرۆكی ئەنجومەنی نوێنەران، ئەمرۆ یەكشەممە، پێشوازی كرد لە عادل عەبدلمەهدی سەرۆك وەزیران.
لە میانی دیدارەكەدا تاوتوێی دوا پێشهاتە سیاسی و ئەمنی و ئابوریەكان كرا، لەگەڵ ئەنجامی دوا سەردانەكەی بەرێزی بۆ بەریتانیان و دیدارەكانی لەگەڵ بەرپرسانی ئەو وڵاتە.
بەرێزیان تەئكیدی كردەوە لەسەر هاوكاری و هەماهەنگی هاوبەشی نێوان دەسەڵاتی یاسادانان و جێبەجێكردن بۆ جێبەجێكردنی بەرنامەی حكومەت، بە تایبەت دوای پەسەندكردنی بودجەی گشتی فیدڕاڵی كە پێیویستە ڕەنگدانەوەی ئیجابی لەسەر بارودۆخی هاوڵاتیانی عێراق هەبێت و پێداویستی گوزەران و خزمەتگوزارییان باش بكات.
هەر لە دیدارەكەدا تاوتوێی دۆسیەی ئەو وەزارەتانە كرا كە پڕنەكراونەتەوە، لەگەڵ هاندانی بەردەوامبونی وتوێژی نێوان هێزە سیاسیەكان؛ بۆ دیاریكردنی كەسانی پیشەیی و بەتوانا بۆ پڕكردنەوەیان و یەكراییكردنەوەی پێكهێنانی حكومەت.
=======
نوسینگەی ڕاگەیاندنی
سەرۆكی ئەنجومەنی نوێنەران
3 شوباتی 2019