د.بەشیر حەداد جەخت لەسەر گرنگی رەچاوکردنی توێژی خانەنشینان و دابینکردنی مافە داراییەکانیان دەکاتەوە
رۆژی ٢٠٢٠/٩/٨ دکتۆر بەشیر خەلیل حەداد جێگری سەرۆکی ئەنجومەنی نوێنەرانی عێراق لە نوسینگەی خۆی لە شاری بەغدا پێشوازی کرد لە ئەیاد مەحموود هادی سەرۆکی دەستەی خانەنشینى نیشتمانی عێراقی.
لە گوتەیەکدا دکتۆر بەشیر خەلیل حەداد جەختى کردەوە لەسەر گرنگی رەچاوکردن و خزمەتی زياتر به توێژی خانەنشینان و دابینکردنی مافە داراییەکانیان.
جێگری سەرۆکی ئەنجومەنی نوێنەرانی عێراق ئاماژەی بەوەدا کە ئەنجومەنی نوێنەرانی عێراق پێداگرە لەسەر ئەوەی کە پێویستە رەچاوى تەواوی چین و توێژەکانی کۆمەڵگا بکرێت و لەسەر هەمووشیانەوە توێژی خانەنشینان و گرەنتی مافەکانیان بکرێت، چونکە ئەوان لە رابردوودا به ساڵانی تەمەنیان خزمەتێکی زۆریان بە وڵات کردووە و پێویستە کێشەکانیان چارەسەر بکرێت و لە کاتی راییکردنی مامەڵەکانیان له تەواوی پارێزگاکانی عێراق ئاسانکاریان بۆ بکرێت بۆ گەیشتن بە مافە رەواکانیان.
نوسینگەی راگەیاندنی جێگری سەرۆکی ئەنجومەنی نوێنەرانی عێراق
دووشەممە ٢٠٢٠/٩/٨