سەرۆکی ئەنجومەنی نوێنەران پێشوازی لە سەرۆکی لیژنەی بەرگری نیشتمانی و هێزە فەرەنسیەکان لە پەرلەمانی ئەو وڵاتە دەکات

محەمەد حەلبوسی سەرۆکی ئەنجومەنی نوێنەران، ئەمرۆ شەممە پێشوازی کرد لە خاتوو فرانسوا دۆماس سەرۆکی لیژنەی بەرگری نیشتمانی و هێزە فەرەنسیەکان لە پەرلەمانی ئەو وڵاتە و شاندی یاوەری.
لە میانی دیدارەکە گفتوگۆ سەبارە بە پتەوکردنی پەیوەندی و هەماهەنگی نێوان هەردوو پەرلەمان و کارا کردنی لیژنەکانی هاورێیەتی و پتەوکردنی پەیوەندیەکانی نێوان هەردوو وڵات کرا لەگەڵ هاریکاری لە بوارەکانی ریشەکێش کردنی تیرۆر و وەبەرهێنان.
هەر لە میانی دیدارەکە بەرێزیان تەئکیدی کردەوە عێراق پێویستی بە هەوڵی نێودەوڵەتی هەیە بۆ دوبارە ئاوەدانکردنەوە و سەقامگیری و ئاماژەی بە گرنگی هەوڵەکانی فەرەنسا کرد لە پشتیوانییەکانی بۆ عێراق لە بواری ئابوری و وەبەرهێنان و داوای لە کۆمپانیا فەرەنسییەکان کرد وەبەرهێنان لە عێراقدا بکەن لەسەرجەم بوارەکان.
لای خۆیەوە سەرۆکی لیژنەی بەرگری نیشتمانی و هێزە فەرەنسیەکان لە پەرلەمانی ئەو وڵاتە خواستی وڵاتەکەی نیشاندا بۆ پتەوکردنی هاریکاری لەگەڵ عێراق و بەردەوامی پەیوەندییەکانی نێوان هەردوو وڵات و بانگهێشتی سەرۆکی ئەنجومەنی نوێنەرانی فەرەنسای رادەستکرد تا مانگی داهاتوو سەردانی فەرەنسا بکات.

نوسینگەی ڕاگەیاندنی
سەرۆکی ئەنجومەنی نوێنەران
22 ئایار 2021



انت تتصفح موقع الدورة النيابية الرابعة. للانتقال الى الدورة الحالية انقر هنا

X