سەرۆکایەتی پەرلەمانی عێراق لیژنەیەک لە بارەی بڕینی دار لەسەر سنووری نێوان ھەرێمی کوردستان و تورکیا پێک دەھێنێت

دواى ئەوەی رۆژی چوارشەممە ٢٠٢١/٦/٢، دکتۆر بەشیر خەلیل حەداد، جێگری سەرۆکی ئەنجومەنی نوێنەرانی عێراق، لە نووسینگەی تایبەتی خۆی لە شاری بەغدا پێشوازی کرد لە عەلی ڕەزا گۆنای، باڵیۆزی تورکیا لە بەغدا و نیگەرانی خۆی لە بارەی پرسی بڕینه‌وه‌ی دار له‌ گونده‌كانی سه‌ر سنووری نێوان ھەرێمی کوردستان و تورکیا گەیاندە باڵیۆزی تورکیا و ئاماژەی بەوەدا کە پێویستە بە زوترین کات ئەو کارە را بگیرێت.
لەلایەن خۆیەوە باڵیۆزی تورکیا دڵنیایی دایە جێگری سەرۆکی ئەنجومەنی نوێنەران کە ئەو وێنە و ڤیدیۆیانەی کە بڵاو دەکرێنەوە و دەگوترێت لە نێو خاکی ھەرێمی کوردستان ئەو دارانە دەبڕدرێنەوە دوورە لە راستییەوە و ئەو وێنانە ناو خاکی تورکیایە.
لە پاش کۆبوونەوە دکتۆر بەشیر حەداد، لیژنەیەکی لە نوێنەرانی لیژنەی ئاسایش و بەرگری و پەرلەمانتارانی پارێزگای دھۆک پێکھێنا بەمەبەستی بەدواداچوون بۆ ئەو پرسە و گەیشتن بە راستییەکان.
برياره لژنەکە بە ھەماھەنگی لەگەڵ پەرلەمانی کوردستان/ لیژنەی ئاسايش و ناوخۆ سەردانی ناوچەکە بکەن.

نووسینگەی راگەیاندنی جێگری سەرۆکی ئەنجومەنی نوێنەرانی عێراق
چوارشەممە ٢٠٢١/٦/٢



انت تتصفح موقع الدورة النيابية الرابعة. للانتقال الى الدورة الحالية انقر هنا

X