سەرۆکی ئەنجومەنی نوێنەران چاوی بە سەرۆکی کۆمەڵەی نیشتمانی فەرەنسا دەکەوێت

محەمەد حەلبوسی سەرۆکی ئەنجومەنی نوێنەران و شاندی یاوەری، ئەمرۆ سێشەممە لە پاریس چاوی کەوت بە بەرێز ریتشارد ڤیران سەرۆکی کۆمەڵەی نیشتمانی فەرەنسا.
لەمیانی دیدارەکە گفتوگۆ سەبارەت بە کاراکردنی کاری پەرلەمانی هاوبەش کرا کە کاریگەری هەیە بۆ سەر پتەوکردنی پەیوەندی دۆستانە، و پتەوکردنی هاریکاری هاوبەشی نێوان هەردوو وڵات لە بوارەکانی ئابوری و وەبەرهێنان، و بوارەکانی ئەمنی و هەواڵگری بۆ ریشەکێش کردنی تیرۆر.
لەمیانی گفتوگۆکە بەرێزیان جەختیکردەوە لەسەر گرنگی هاتنی کۆمپانیاکانی فەرەنسا بۆ بازاری عێراق و بەشداربوون لە دوبارە ئاوەدانکردنەوە و پەلەکردن لە جێبەجێ کرۆنی پرۆژە ستراتیجیەکان لە عێراق لە نێویاندا فرۆکەخانەی موسڵ و میترۆی هەواسراوی بەغدا چەند پرۆژەیەکی تری وزە.
هەر لە دیدارەکە تاوتوێی هەوڵەکان بۆ کردنەوەی هێڵی ئاسمانی بەغدا- پاریس کرا و گرنگی پەلەکردن لە کردنەوەی، کە کاریگەری دەبێت لەسەر لێکەوتەی ئابوری نێوان هەردوو وڵات، لەگەڵ هاریکاری بانکی بۆ ئاسنکاری چالاکیەکانی کەرتی وەبەرهێنان.
لای خۆیەوە سەرۆکی کۆمەڵەی نیشتمانی فەرەنسا ریتسارد ڤیران پشتیوانی تەواوی وڵاتەکەی نیشاندا بۆ عێراق و پاراستنی سەروەری و پشتیوانی لە پتەوکردنی تواناکانی عێراق و بەردەوامی هاریکاری لە شەڕی دژ بە داعش و ئاسایش و هەواڵگری و هونەری بۆ بەرەنگاربونەوەی بیری توندڕەوی.
بەرێز ریتسارد ڤیران تەئکیدیشی کردەوە لەسەر خواستی وڵاتەکەی بۆ هاتنیان بۆ ناو بازاڕی عێراق و بەشداربوون لە ئاوەدانکردنەوەی عێراق ئاماژەشی بە هەوڵەکانی وەزیری دەرەوەی فەرەنسا کرد بە ئامانجی هاندانی کۆمپانیا فەرەنسیەکان بۆ کارکردن لە عێراق.
هاوکات پشتیوانی فەرەنسای نیشاندا بۆ دۆسیەی گەڕانەوەی ئاوارەکان و گەڕانەوەی سەقامگیری بۆ شارە ڕزگارکراوەکان.
لە کۆتایدا بەرێزیان ئامادەی بەشێک لە دانیشتنی ئاسایی کۆمەڵەی نیشتمانی فەرەنسا بوو لە چوارچێوەی پێشوازی کردن لێی و شاندی یاوەری.

نوسینگەی ڕاگەیاندنی
سەرۆکی ئەنجومەنی نوێنەران
22 حوزەیران 2021



انت تتصفح موقع الدورة النيابية الرابعة. للانتقال الى الدورة الحالية انقر هنا

X