بەیاننامەی لیژنەی شەهیدان وقوربانیان و زیندانیانی سیاسی

بە داخێكی زۆرەوە، لیژنەكەمان لە یەكێك لە بڕیارەكانی دەستەی پیاچوونەوەی دادوەریی ئاگاداربوویەوە، كە بریتی بوو لە چاوخشاندنەوە بەو تانانەی كە لەسەر بڕیارەكانی دەستەی لێپرسینەوە و دادپەروەری درابوون، بە هەڵوەشاندنەوەی بڕیارێكی دەستەی لێپرسینەوەو دادپەروەریی تایبەت بە یەكێك لەوانەی كەوا ئەحكامی یاساكە دەیگرێتەوە. هۆی بڕیارەكەشیان ئەوەیە( دادوەریی ئەم دەستەیە لەسەر ئەوە جێگیر بووە كەوا ئەندامی حیزبی بەعسی هەڵوەشاوە ماددەی(6/هەشتەم) لەیاسای دەستەی لێپرسینەوەودادپەروەری نایگرێتەوە تەنها ئەوكاتە نەبێت كە لەسەر حسێبی سامانی گشتی دەوڵەمەند بوبێت و بەهۆیەوە بڕیارێكی دادوەریی لەسەر درابێت، ونازانین بۆچی ئەم دەستەیە لە بڕیارەكەیدا ڕەچاوی دەقە دەستوری و یاساییەكانی نەكردووە، هەروەها ئەو ئامانج و هۆكارانەی كە پێویست بوون بۆ دەركردنی یاسای دەستەی لێپرسینەوەودادپەروەری بە ژمارە 10 بۆ ساڵی 2008، كە ئەوئامانج و هۆیانە لەخۆ دەگرێت كە دەبێتە مایەی – ڕاپێچكردنی هەموو ئەو كەسانەی تاوانیان دژ بە گەلی عێراق ئەنجام داوەو لەسەر حسابی سامانی گشتی دەوڵەمەندبوون و سەر بە حیزبی بەعس بوون، بە گشت پلە حیزبی و سەرجەم دام و دەزگا داپڵۆسێنەرەكانەوە- كە ئەمەش واتە لێپرسینەوەی یاسایی هەموو بەعسییەكان دەگرێتەوە، نەك تەنها ئەوانەی بڕیاری یەكلاكەرەوەیان تایبەت بە سامانی گشتی لەسەر دراوە.
پێمان سەیرە لەدەرچوونی لەم جۆرە بڕیارانە كە هەوڵ دەدەن گروپێك بگەڕێننەوە سەر ژیانی سیاسی یان بوارەكانی تر كە ئەم گروپە ستەمكارە بەشداربووە لە چەوساندنەوەی گەلی عێراق و هەستاوە بە ئەنجامدانی تاوانێك كە مرۆڤایەتی لە ئاستیدا شەرمەزار دەبێت.
لەگەڵ ڕێزمان بۆ دادوەریی و بنەماكانی جیاكردنەوەی دەسەڵاتەكان و دەستوەرنەدان لە بڕیارەكانی دەسەڵاتی دادوەریی، بەڵام ئەركی دەستوری و یاسایی و مرۆیی و شەرعیمان ئەوەمان لێ داوادەكات كەوا دژی هەر بڕیارێك بوەستینەوە كە هەوڵ دەدات بەهەرناوێكەوە بێت بەعس بگەڕێنێتەوە بۆ دەسەڵات. هەروەها لیژنەكە هەوڵ دەدات یاسادەرچووەكان بپارێزێت لە ڕێگەی جێبەجێكردن و بە جێهێنانیان بەوشێوەیەی دەستور جەختی لەسەر كردوەتەوە بەتایبەتی ئەوەی پەیوەندی بە بەعسی كافرەوە هەیە بەچەشنێك دەقی مادەی 7ی دەستور هەموو ئەو قەوارانە قەدەغە دەكات كە ڕەگەزپەرستی و تیرۆر دەگرنەخۆ و بەتایبەتی بەعس و لەژێر هەرناوێكدا هەبێت و ئەمەش بەڵگەیەكی دەستورییە لەسەر ئەوەی كە هەموو بەعسییەكان بە پلەجیاوازە حیزبییەكانیانەوە لە ژێر لێپرسینەوەی یاسایین و ناكرێت كۆمەڵێك بڕیار دەربكرێت و بەشێوەی ئینتیقایی و جیاكارانە، چەند دەقێكی تیا هەڵبژێردرێت و چاوپۆشی لە ئەوانی دیكە بكرێت، لەبەرئەوەی بنەمایاساییەكان ئەوەی یەكلایی كردووەتەوە كە نابێت بڕگە یاساییەكان بەش بەش بكرێن(یاسا بەش بەش ناكرێت).
بۆیە داواكارین لە دەستەی دادوەریی كە چاو بە بڕیارەكەیدا بخشێنێتەوە و تەركیز بخاتە سەر ئەو بڕیارانەشی كە لەوەودوا دەریان دەكات بۆ ڕەچاوكردنی دەقە دەستوری و یاسایی و یاساكانی دادپەروەری ڕاگوزەر، بە تایبەتی یاسای دەستەی لێپرسینەوە و دادپەروەری ژمارە 10 ساڵی 2008، كە ئەم بڕیارەی دوایی سەرپێچییەكی ئاشكرایە بۆ سەر هەستی خاوەن شەهیدان و قوربانیان وگیان بەختكردن و خوێنی گەشیان كە ڕژێنرایە سەر خاكی ئەم نیشتیمانە ئازیزە بۆ دەربازبوون لە دیكتاتۆریەت. هەروەك چۆن ناخوازین بڕیارەكانی دەستەی دادوەریی بەشدار بێت لە ستەملێكردن لەم توێژە قوربانیدەرە كە بەدەست ستەم و چەوساندنەوەی دادگاكانی بەعسی لەگۆڕنراو ناڵاندوویەتی و هیوا و ئومێدی بە دادوەریی ئێستا هەلچنیوە لە سایەی دەسەڵاتی دیموكراتی لەڕێی دەركردنی كۆمەڵە بڕیارێكی بەویژدان و دادپەروەرانەوە، پشتبەستوو بە دەستور و یاسابەركارەكان و جێبەجێكاری ڕۆحی یاسا بۆ هاتنەدی ئەو هۆكار و ئامانجانەی كە ئەم یاسایانە لە پێناویاندا دەرچوێنراون.
ئەنجومەنی نوێنەران
فەرمانگەی ڕاگەیاندن



انت تتصفح موقع الدورة النيابية الرابعة. للانتقال الى الدورة الحالية انقر هنا

X