د.بەشیر حەداد داوا لە حکومەتی فیدراڵ دەکات بە زووترین کات کێشەی کارەبا چارەسەر بکات و لێپرسینەوە لە کەسانی کەمتەرخەم بکات

دکتۆر بەشیر خەلیل حەداد، جێگری سەرۆکی ئەنجومەنی نوێنەرانی عێراق، داوا لە حکومەتی فیدراڵ و وەزارەتی کارەبای حکومەتی فیدراڵ دەکات دۆسیەی کارەبا چارەسەر بکات کە بووەتە کێشەیەکی گەورەی ھاووڵاتیان لە وەرزی ھاوین دا و ناڕەزاییان لە زۆربەی پارێزگاکانی عێراق، بەتایبەت کە لە رۆژدا پلەکانی گەرما بەرز دەبنەوە و بڕی پێدانی کارەباش کەم دەبێتەوە کە ئەوەش کاریگەری نەرێنی لەسەر ژیانی رۆژانەی ھاووڵاتیان دروست کردووە.
جێگری سەرۆکی ئەنجومەنی نوێنەران داواشی لە حکومەت کرد دەسەڵاتی خۆی بەسەر تەواوی دامودەزگاکانی حکومەت بسەپێنێت و لێ پرسینەوە لە کەسانی کەمتەرخەم بکات و کار بۆ ریشەکێش کردنی گەندڵی بکات و دەستی ئەو گەندەڵکارە گەورانە ببڕێت کە تواناکانی حکومەتیان کۆنترۆڵ کردووە.
حەداد ئیدانەی ھێرشە بەردەوامەکانى سەر تاوەرەکانی گواستنەوەی ووزە كرد، کە دەبێتە ھۆی بچڕانی تەزووی کارەبا لە بەغدا و پارێزگاکانی دیکەی وڵات.
دکتۆر بەشیر حەداد داواشى لە وەزارەتە ئەمنییەکان و ھێزە ھاوبەشەکان و لایەنە بەرپرسەکان کرد کە کار بۆ پاراستنی تاوەکارەکان و وێستگەکانی کارەبا بکەن و چاودێری زیاتری شوێنە خزموتگوزارییەکان بکەن بۆ ئەوەی بپارێزرێن لە ھێرشی تیرۆرستان.

نووسینگەی راگەیاندنی جێگری سەرۆکی ئەنجومەنی نوێنەرانی عێراق
ھەینی ٢ی تموزی ٢٠٢١



انت تتصفح موقع الدورة النيابية الرابعة. للانتقال الى الدورة الحالية انقر هنا

X