د.بەشیر حەداد لەگەڵ بەڕێوەبەری نووسینگەکانی ئەنجومەنی نوێنەران جەختی لەسەر گرنگی هاوکاری و هەماهەنگی زیاتر لە نێوان نووسینگەکان و دامەزراوەکانی حکومەت کردەوە

بە ئامادەبوون و چاودێری دکتۆر بەشیر خەلیل حەداد جێگری سەرۆکی ئەنجومەنی نوێنەرانی عێراق، رۆژی پێنجشەممە ٢٠٢١/٩/١٦، بەڕێوەبەرایەتی کاروباری پەرلەمان، کۆبوونەوەیەکی فراوانی لە هۆڵی دەستووری ئەنجومەنی نوێنەران لەگەڵ بەڕێوەبەری نووسینگەکانی پارێزگاکانی ئەنجومەنی نوێنەران ئەنجامدا، کە تیایدا ئەمینداری گشتی ئەنجومەنی نوێنەران و ژمارەیەک لە بەڕێوەبەرە گشتییەکان و سەرۆک بەشەکان بەشداربوون.
لە کۆبوونەوەکەدا باس لە رێکارەکانی گەشەپێدانی کاری نووسینگەکان و پشتگیری و پشتیوانی لە پەرلەمانتارانی پارێزگاکانیان کرا بۆ ئەوەی بتوانن کارەکانی خۆیان بکەن کە کاری یاسادانان و چاودێری کردنە.
دواتر جێگری سەرۆکی ئەنجومەنی نوێنەران گوێبیستی بەڕێوەبەری نووسینگەکان بوو کە چەندین زانیارییان لە بارەی کاروچالاکی و کێشە و گرفتەکانیان خستەڕوو.
لە گوتەیەکدا جێگری سەرۆکی ئەنجومەنی نوێنەران ئاماژەی بە چالاک بوون و باشتر بەڕێوەبردنی کارەکانی نووسینگەکانی کرد، و رايگەیاند کە پێویستە هاوکاری و هەماهەنگی زیاتر لە نێوان نووسینگەکانی پەرلەمان و دامودەزگا خزمەتگوزارییەکانی حکومەت هەبێت، و چاودێری زیاتری کارو پرۆژەکان بکەن، بەتایبەت پرۆژە خزمەتگوزارییەکان و دروستکردنی پەیوەندی لەگەڵ هاونیشتمانیان بەشێوەیەکی گشتی، و گواستنەوەی کێشە و گرفتەکانی رۆژانەیان بۆ لیژنە پەیوەندیدارەکانی ئەنجومەنی نوێنەران، و دووبارە متمانە گەڕاندنەوە بۆ دامەزراوە یاساییەکان، و روونکردنەوەی کارو بەرپرسیارێتی ئەنجومەنی نوێنەران و رۆڵ گێرانیان لە داڕشتنی یاساکان بەشێوەيەک کە لەگەڵ بارودۆخەکەدا بگونجێت و ئارامی و سەقامگیری لە وڵاتدا زیاتر فەرام بکات و خزمەتگوزاری زیاتر بە هاونیشتمانیان پێشکەش بکرێت، و گرنگی هاندانی دەنگدەران بۆ ئەوەی بەشداری هەڵبژاردن بکەن.

نووسینگەی راگەیاندنی جێگری سەرۆکی ئەنجومەنی نوێنەرانی عێراق
پێنجشەممە ١٦ ئەیلولی ٢٠٢١



انت تتصفح موقع الدورة النيابية الرابعة. للانتقال الى الدورة الحالية انقر هنا

X