سەرۆكی ئەنجومەنی نوێنەران پێشوازی لە نوێنەری ئەمینداری گشتی نەتەوەیەكگرتوەكان دەكات
محەمەد حەلبوسی سەرۆكی ئەنجومەنی نوێنەران، ئەمرۆ پێنجشەممە، پێشوازی كرد لە خاتوو جەنین بلاسخارت نوێنەری ئەمینداری گشتی نەتەوەیەكگرتوەكان لە عێراق.
لە دیدارەكەدا دوا پێشهاتەكانی بارودۆخی سیاسی لە وڵات تاوتوێ كرا لەگەڵ گرنگی دیاریكردنی كابینەی حكومەت لە چوارچێوەی وادەی دەستوری و جێبەجی كردنی داواكاریەكانی گەلی عێراق، گفتوگۆش كرا سەبارەت بە هەوڵەكانی ئەنجومەنی نوێنەران لە دەركردنی یاسای نوێی هەڵبژاردن و تەواوكردنی بەوجۆرەی عێراقییەكان بتوانن بە شەفافی دەنگبدەن كە زیاتر پەسەندكراوبێت و رێگە بدات بە رۆڵەكانی گەل بە گەیشتنیان بۆ ئەنجومەنی نوێنەران بەپێی سیستمی زیاترین دەنگ و تەئكیدكرایەوە لەسەر گرنكی گەڕانەوەی متمانە بۆ پرۆسەی هەڵبژاردن و سیاسی.
لای خۆیەوە خاتوو بلاسخارت تەئكیدی كردەوە لەسەر پشتیوانی لەهەوڵەكانی ئەنجومەنی نوێنەران لەو بوارەدا و ئامادەیی نەتەوەیەكگرتوەكانیشی نیشاندا بۆ پێشكەش كردنی هاریكاری بۆ بەدیهێنانی پێوەری نێودەوڵەتی لەمیكانیزمی هەڵبژاردت بەپێی یاسای نوێ.
=====
نوسینگەی ڕاگەیاندنی
سەرۆكی ئەنجومەنی نوێنەران
19 كانونی یەكەمی 2019